Enyau puas meda bala nembiak bekerakal ka ga aku nerang utai ka amai ba ditu.Nyadi utai tu ari adat ari tuat ari pun penatai bansa kitai.Bah nama kabuah kami ngelara utai salah ba pengepan bansa kitai iban.Laban kasih ka bansa iban ti nembiak rebak baru ti enda nemu ni ka amai ni ka ngayah.Nyadi baka tu ia jang ia endu.Pengepun bansa kitai nenun ari Kumang alu pengepun kitai betenun ngena rambar buk mensia ti di apit Kumang saduai Lulung nyadi pua kumbu chura chelum.Meda bakanya diak indu tuai benama Bangie ti alu nunda tenun Kumang saduai Lulong ngena buk mensia ti lebuh menya suah bekayau.Pemuas nya diak ditemu Kumang ti buk mensia enda puh dikena nyadi pua kumbu diak sida ngena tekalong kena ngalus ka agi tenun pua kumbu.Pua Kumbu alu nyadi tang pua kumbu nya tebal.Kelia laban tusah ka ngulih kulit jelu kena ka nyadi gari laban kelia amai meh maioh jelu tang tusah ka diulih ukai baka diato.Nyadi sekali bisi Keling saduai ia Kumang nurun ka tanah diak ia tepeda ka empelawa ti ngaga pukat ti tebal.Alu enda jauh ari nya ia tepeda ka pun kayu taya.Diak saduai ia ngambi buah taya nya alu dibuka alu tak sebaka enggau tali bintal empalawa tadi.Dibunuh saduai ia empalawa nya tadi alu saduai ia mansik bakani empelawa nya tau ulih ngaga utai nya.Pengujung ia Kumang tu nemu nenun ngena buah pun taya.Alu ambi ia buah pun taya tadi alu ditencang ia,alu digasing ka ia.Alu di idang ia enggau manah nunda empelawa nya tadi.Enda ga nyadi ubung nyau retai agi peda ia.Meda baka diak ia alu ngambi ai alu amai alu ia ngurai ke utai nya enggau silik agi.Ngejung ia bulih ubung ari utai digaga ia tadi.Meda bakanya diak ia gaga ati.Alu dambi ia ai angat alu dibentul ia manah agi ga nyadi.Ngejung pemujur nya nyadi.Diak Kumang nenun pua kumbu dikumbai Pua Kumbu Emperaja Langit.Udah tembu diak ia agai dunya mensia alu ngajar Bangie nenun pua kumbu bakanya.Bepun meh kitai iban ngaga pua kumbu kelia.Tang ketegal suah misah pendiau maia kelia diak penemu tu enyau tingal agi alu ngiga jalai muntang ngaga pua kumbu.Kitai lelaki ngepan begari ari Keling ti malut telih ia ti ngena kulit tekalong.Meda bakanya diak Keling minta ajar Kumang ngaga gari lelaki Tekalong.Kelia kitai iban mina ngepan gari ari kulit jelu baka Engkulik tauka kulit jugam agi munya kelia.Tang ketegal utai tusah di ulih diak sida Keling sida Kumang ngiga jalai bukai ti meri penyamai anak mensia ngaga gari pengepan bakanya.Pua Kumbu terubah bechura maioh bengkah pengudah Serai ada ti nenun pua bechura mansau ari ngena chura urat engkudu enggau pun daun engkerebai tauka tarom.Bepun ari nya kitai mensia berajar ari Sebai ti ngajar sida ke indu nemu nenun chura pua kumbu enggau manah.
Nyadi kelia bisi siko lelaki ti nguji ngepan ngena pua dikena sida ke indu meda nya manah bechura.Tang ditagang Serai laban ba jako sempekat Kumang sida ke lelaki ngena pua kumbu nya tau ngasuh sida ia lesi maia sida ia ngena nya kena betundi kena bebuti maia ari gawai.Alu pia mega diak Serai ngajar jako tangkan baka to agi munya.
1)Enti kitak ke laki ngena ngepan gari indu bereti kitak ngemaruh ka penemu sida Bangie sida Kumang ti bendar amai nurai ngaga pua kumbu tauka kain kena kami sida ke indu.
2)Pua kumbu asal ia ari buk mensia ukai ari pun kayu ukai asal ari jelu tang buk mensia ti nurai dulu pua kumbu.Terubah Kumang ngaga pua kumbu ari buk ia empu enggau buk sida sebilik ia.
3)Pua kumbu tauka pengepan ti dikena kami indu berasal ari ai mata ari ai peluh kami ti suah ngiga penemu ti ka ngaga nyarung tubuh kitai iban ari kena chelap ari kena sayat duri tauka ngelindung tubuh.
4)Pengepan kami indu enda ulih kena lelaki laban pia ketegal kami indu ti terubah ngaga pengepan tu alu pengepan kitak lelaki dudi digaga ari pengepan kami ke indu.Sema jako kitak ngena ia jemah ila.Kitak ka kami sumpah kitak busung tulah enti kitak ngena nya.
5)Kami ke indu ulih ngepan pengepan lelaki tang kami enda tau nunda pengering lelaki sereta enda tau megai rajut kitak ka laki pia Kumang enti ukai diberi Kumang enggau Lulung.
6)Pengepan kami indu tu pengingat kitai ti meri reti besai ia nya INDAI PENGIDUP bansa kitai iban laban Kumang dulu nemu nenun pua kumbu sereta pengepan bansa kitai iban.
7)Batara kala madah agai Kumang enti kitak ngepan indu kitak bereti ukai lelaki alu Batara nagang lelaki ngepan gari indu laban petara enda rindu ka lelaki ngepan indu laban indu tu bereti INDAI BESAI ba mua Batara.Laban indu tu ti ngada mensia ti terubah ba dunya.
8) Enti kitak ka laki ngena ngepan indu kitak bereti ukai lelaki tang kitak indu sereta tau ngasuh ari kudi laban kitak nyadi utai ti ngasuh urang ketawa ke kitak.
9)Enti jemah ila uchu icit purih pantih kitak enda ingat jako aku (ko Serai) diak sida ila sepeneka ngena diak bereti bansa kitai enda ingat pemedis kami ngaga pua kumbu enggau pengepan tu.Alu ari nya meh pengambis jeman bansa kitai bado beguna ka pemerinsa kami ti ngaga pengepan kitai kedulu.
10)Anang nempaya utai digaga kami pia aja laban nya penatai bansa kitai ti ka amai ti bepun ari buk Kumang enggau sida sebilik alu ari buk mensia alu ari kulit kayu nyentuk ka buah kayu.
11)Enti ulih anang meh ngena pengepan bechura ninting ari laban ngaga pengepan nya ukai sari dua tang bebulan nembu ke ia.Ia ka manah kena meh pengepan gari chelum tauka chura mansau aja ngicha kitak enda dipeda ngemaruh penemu Kumang enggau Bangie ti dulu ngepun utai nya dulu ti dikena genap mensia bansa kitai ba baruh ari.
Pengudah Serai bejako bakanya.Pengujung ia pengepan kitai iban jarang dibantai laban ka bebasa ari penatai asal bansa ia.Suah agi orang munya kelia betenun ka gari pengepan chura chelum tauka mirah tuai aja laban bebasa ke utai disebut Serai kelia munya.Nya kabuah kami nagang tang bansa kitai ka rebak baru ngemaruh adat pengepan tu laban enda kala ditusi aki inik bakani pemedis pemerinsa ngaga pua kumbu tauka pengepan tu.Nuju kitak ke rebak baru tau kingat tu tau simpan tang minta pemendar ari kami sebedau kitak ngaga utai nyadi research kitak mega.Jerita tu ditusi Seriyam maia taun 1925an besangkut paut ba pengepan asal bansa kitai.Ngarap Majlis Adat Istiadat nyimpan tu mega nyadi panduan kitak rebak baru.Enggai ka adat kitai punas jemah ila.Komen aku tau bansa bukai ngena pengepan bansa kitai.Adai salah tang atur ia meseti ngena utai ka betul.Agi maioh empai pejurai aku ba utai pengepan bansa kitai.Research tu digaga petunggal inik aya Minggat empu.Seriyam alu dirikod Mary Tinggom kena taun 1925.Kelai kitak meda bansa kitai ke laki bepekit ngepan gari indu bereti sida katuai ba menua kitak enda kala bebasa ka adat tuai.Enti kitak enda nemu adat jang kitak endu.Nyamai agi dinga jako kami katuai nerang enggau silik anang sebarang nanah ka orang.Adat enda sama enggau pengarap baru kitak au.
Comments
Post a Comment